ከደቡብ ኢትዮጵያ ክልል ፍትህ ቢሮ የአስተዳደርና ፋይናንስ ዘርፍ ኃላፊ መልዕክት፤
Thank you for reading this post, don't forget to subscribe!Thank you for reading this post, don't forget to subscribe!ቀልጣፋ አስተዳደርና ግልጽ የፋይናንስ ስርዓት ለፍትህ ተደራሽነት!
የፍትህ ቢሮ በክልላችን የህግ የበላይነትን ለማስፈን የሚሰጠው አገልግሎት ውጤታማ ሊሆን የሚችለው፣ ጠንካራ የውስጥ አስተዳደርና የፋይናንስ ስርአት ሲኖር ነው። የአስተዳደርና ፋይናንስ ዘርፍ ለቢሮው ተልዕኮ መሳካት እንደ የጀርባ አጥንት ሆኖ የሚያገለግል ዘርፍ ነው።
የዘርፋችን ዋና ዋና ትኩረቶች የሚከተሉት ናቸው፡-
* የሰው ሀብት ልማት፡- የፍትህ አገልግሎቱ ጥራት ያለውና የህዝብን እርካታ የሚያረጋግጥ እንዲሆን፣ በየደረጃው የሚገኙ የቢሮአችንን ባለሙያዎችና ሰራተኞች አቅም መገንባትና ምቹ የስራ አካባቢ መፍጠር ቀዳሚ ተግባራችን ነው።
* ግልጽነትና ተጠያቂነት፡- የህዝብና የመንግስት ሀብት ለታለመለት የፍትህ ስራ ብቻ መዋሉን ማረጋገጥ፣ ብክነትን መከላከልና ጥብቅ የፋይናንስ ስነ-ስርዓት መከተል የዘርፋችን መመሪያ ነው።
* ዘመናዊ አሰራር፡- የቢሮአችንን የቢሮክራሲ ሰንሰለት በማሳጠር እና የዲጂታል ቴክኖሎጂን በአስተዳደር ስራዎቻችን ውስጥ በማስረጽ፣ አገልግሎታችን ፈጣንና ውጤታማ እንዲሆን እያደረግን እንገኛለን።
* ግብአት ማሟላት፡- የፍትህ ስራው ሳይስተጓጎል እንዲከናወን አስፈላጊ የሆኑ ቁሳቁሶችንና መሠረተ-ልማቶችን በወቅቱና በጥራት በማቅረብ የኦፕሬሽናል ስራዎችን እንደግፋለን።
የፍትህ ስርዓቱ በሰው ሃይል፣ በቴክኖሎጂ እና በፋይናንስ አቅም ተጠናክሮ የህዝባችንን የፍትህ ፍላጎት እንዲያረካ የጀመርነውን የሪፎርም ስራ አጠናክረን እንቀጥላለን።
ፍትህ የሚረጋገጠው በቁርጠኝነትና በታማኝነት ስናገለግል ነው!
